

D2005

།རང་སེམས་དད་པ་བསྐྱེད་པའི་ཕྱིར། །གཞན་ལ་གུས་པས་མཆོག་ཏུ་བསྐུར། །རྫོགས་སོ།། །།[་]@##། །དེ་ནས་གཞན་ཡང་བཤད་པར་བྱ། །སྔགས་པས་རྟག་ཏུ་བསྟེན་པ་ནི། །རུས་སྦལ་འོ་མ་ཞེས་བྱ་བ། །དེ་བཞིན་འོད་ཀྱི་ལོ་མ་དང་། །འཇིམ་པ་སྐམ་ པོ་ཉིད་དང་ནི།།དེ་བཞིན་མེ་ཡི་ཁུ་བ་དང་། །སྒྲ་སྣང་གི་ནི་རྫས་དག་དང་། །འདི་རྣམས་རྟག་ཏུ་སྦྱར་ན་ནི། །རང་བཞིན་གྱིས་ནི་ནད་མེད་ཅིང་། །ཚེ་རིང་དབང་པོ་རྒྱས་པ་དང་། །རྟག་ཏུ་ལང་ཚོ་དར་ལ་བབ། །ལྷ་རྣམས་ཀུན་གྱིས་བྱིན་གྱིས་རློབས། །འདི་ལ་སྤྱད་པར་མི་བྱ་སྟེ། ། ཡང་ན་ཉི་མའི་སྦུ་གུས་བཏུང་། །ཏིང་འཛིན་སྔགས་ཀྱིས་བྱིན་བརླབས་ན། །ལས་ཀྱི་རྣམ་སྨིན་སྦྱོང་བར་བྱེད། །རིག་པ་འཛིན་པའི་ས་ལ་གནས། །དེ་བཞིན་ཆོ་ག་བཞིན་དུ་བསྟེན། །ཚེས་གཅིག་སྐྱ་རེངས་ཤར་བ་ནི། །སྣོད་ལ་མ་རེག་རུས་སྦལ་ཞོ། །དྲོད་མ་ཡལ་བར་བཏུང་བ འམ།།ཡང་ན་ཉི་མའི་སྦུ་གུས་བཏུང་། །མར་གྱི་ངོ་ཡི་ཚེས་གཅིག་ལ། །འོད་ཀྱི་ལོ་མ་བཙལ་ནས་ནི། །དེ་ཉིད་ནས་ནི་གཟུང་བར་བྱ། །ཞག་གསུམ་ཆུ་ཡི་ཆར་པ་གཏང་། །ལོ་མ་དེ་བཅད་བཟའ་བར་བྱ། །ཡང་ན་ཉི་མའི་སྦུ་གུས་བཏུང་། །འཇིམ་པ་སྐམ་པོ་སྦྱར་ནས་ནི། །ཞག་ གསུམ་ཆུ་ཡི་ནང་དུ་སྦང་།།དེ་བླངས་ནས་ནི་ཡང་སྐམས་ནས། །ཕྱེ་མ་བྱི་ལའི་སྤར་ཚད་རེ། །བ་ཡི་འོ་མ་དང་སྦྱར་ནས། །སྔགས་པས་རྟག་ཏུ་བཏུང་བར་བྱ། །མེ་ཡི་སྡོང་པོ་སེར་པོ་ནི། །ས་ཡི་མར་གྱིས་དྲིལ་ནས་ནི། །ཁ་སྦྱར་སྦྱོར་དང་ལྡན་བྱས་ནས། །མེ་ཆུ་ས་ཡིས་ བཅིར་ནས་ནི།།བཏུང་བའམ་ཉི་མའི་སྦུ་གུས་བཏུང་། །ལན་ཚྭ་བྲལ་བ་དག་ལ་ནི། །ཞག་གསུམ་འཆི་བའི་སྒྲ་བརྙན་རྫས། །ནམ་ཀྱི་དུས་ལ་སྔགས་པས་བླངས། །ཆ་གསུམ་སྣོད་དུ་ཞག་གསུམ་གཞག་།ཁ་ཡི་ཆ་ནི་བྱུག་པ་སྟེ། །དབུས་མའི་ཆ་ནི་བདུད་རྩི་ཉིད། །རྩ་བའི་ཆ་ནི་དོར་ བ་སྟི།།འདི་རྣམས་སོ་སོར་བསྟན་པ་ན། །ཐ་མལ་འབྲས་བུ་གསུམ་གྱི་ཕྱེ། །བྱི་ལའི་སྦར་ཚད་དེ་དང་སྦྱར། །མ་སྦྱར་ན་ཡང་ཉེས་པ་མེད། །ཚོགས་པར་བསྟན་ནས་བཟླ་བར་བྱ། །རེ་རེ་བསྟེན་ཡང་ཉེས་པ་མེད། །དམ་རྫས་རྨད་དུ་བསྒྱུར་ཏེ་བསྟན་པའི་ཆོ་ག་རྫོགས་སོ།། །།